Седум од засега 15 лица кои се осомничени дека биле иноволвирани во нередите во Собранието се лишени од слобода, пренесува Алсат-М.
Камерата на Алсат-М го забележа спроведувањето на дел од нив во скопскиот кривичен суд. Нивниот идентитет засега не е познат, но според кредибилни информации станува збор за лица кои директно учествуваа во насилството над пратениците. Неофицијално, еден од приведените е инспектор во Управата за безбедност и контраразузнавање.
Основното јавно обвинителство првично ги товари за кривично дело учество во толпа што ќе спречи службено лице во вршење на службено дејствие. По останатите лица се трага, а за 14 од вкупно 15-те осомничени е побрано да биде изречена мерка притвор, додека за едно лице, мерка за претпазливост. Од обвинителството велат дека продолжуваат да со истрагите за целосно да биде расветлен кривично-правниот настан. Засега, нема пријава против организторите на протестите но полицијата испратила посебно известување до скопското јавно обвинителство во кое бара и тие да бидат распитани и да им биде одредена мерка за обезбедување.
