Skip to main content

Манчестер Јунајтед

Бруно Фернандеш потпиша нов договор

Плејмејкерот на Манчестер Јунајтед, Бруно Фернандеш веќе ставил потпис на нов договор со „црвените ѓаволи“ и се обврза на верност до 2027 година, потврдија медиумите на Островот.
 |  инфодеск  | 
Бруно Фернандеш фудбалер

Бруно Фернандеш го продолжи договорот со Манчестер јунајтед. Фудбалерот кој во вторникот со два гола го згасна сонот на Македонија за мундијалот во Катар, на „Олд Трафорд“ ќе остане до јуни 2026 година.

Во договорот е вметната клаузула, според која клубот автоматски може да му го продолжи договорот на Бруно на уште една година.

Бруно Фернандеш фудбалер

Бруно Фернандеш во Манчестер јунајтед се пресели од Спортинг Лисабон, во јануари 2022 година. „Црвените ѓаволи“ за неговиот трансфер издвоија 47.000.000 фунти. Претходниот договор му истекуваше во јуни 2025 година.

Од моментот кога пристигнав во Јунајтед, остварив специјален однос со клубот и нашите навивачи. Пораснав гледајќи го овој тим, сонував еден ден да играм овде. Го остварив сонот – рече Португалецот.

Според новиот договор, Фернандеш, ќе има годишна плата од 12.500.000 фунти.

Бруно Фернандеш, досега одиграл 117 натпревари за Манчестер јунајтед, постигнал 49 голови и забележал 39 асистенции.