![](https://tvm.mk/wp-admin/admin-ajax.php?action=kernel&p=image&src=%7B%22file%22%3A%22wp-content%2Fuploads%2F2024%2F06%2F445029309_1063265568636467_1512178504493169001_n-e1717508285758.jpg%22%2C%22thumbnail%22%3A%221200%2C%2C%22%7D&hash=c6624e68)
Фудбалската школа „Фер плеј“ од Охрид стана државен првак на Македонија во детски фудбал за генерација 2015 година.
Во период 01-03.06.2024 на ФФМ тренинг центарот се одигра финалниот турнир од ФФМ Детска Лига за сезона 2023-2024.
Во учество на 96 екипи-регионални победници и повеќе од 1500 фудбалери од 7 до 13 год., беа одиграни 96 натпревари по што беа добиени шампионите во 6 натпреварувачки категории во детската лига.
Охриѓанчињата од Фер Плеј се прваци во категоријата генерација 2015. Тие на завршниот турнир извојуваа победи над Парк сити, Шкендија од Тетово, Тиквеш од Кавадарци и над екипата на Кул во финалниот натпревар.
Индивидуално признание од завршниот турнир понесе Јустин Устијаноски од ФК „Фер Плеј“ кој беше прогласен за најдобар голман.
![](https://tvm.mk/wp-content/uploads/2024/06/fer-pleј-2024-5-768x1024.jpg?x28309)
„Фер Плеј“ е првиот охридски клуб во фудбал и во екипните спортови кој станал првак. Фудбалската школа ја водат тренерите Марјан и Игор Настоски. Тренерскиот тим го сочинуваат уште и Сања Митреска и тренерот на голмани Павел Ристески.