Голем удар за амбициите на Уругвајците

Голем удар во четвртокот наутро добиле Уругвајците, пред Светското првенство во Бразил. Имено, најдобриот играч на нивната репрезентација, Луис Суарез на тренинг го повредил коленото и ќе мора на операција на менискус.

Иако уругвајските новинари тврдат дека Суарез ќе биде спремен за СП во Бразил, факт е дека рехабилитацијата по операција од менискус трае од 4 до 6 недели, што значи дека Суарез сигурно нема да е спремен за првиот натпревар против Костарика на 14 јуни. Под знак прашање е дали ќе биде спремен и за другите два натпревари од нивната група, против Англија пет дена подоцна и против Италија на 24 јуни.

И дури ако се опорави, дали ќе биде во состојба да биде на висината на задачата која ја бара едно светско првенсто. Се чини дека претстојат тешки денови за Уругвајците.

{loadposition content9}