Четворица англиски фудбалери се казнети од пет месеци до една година, бидејќи се обложиле на натпревар на нивните клубови во рамки на четвртата лига.
Казнети се играчите на Акордингтон – Џејмс Харис, Роберт Вилијамс и Дејвид Маникс, како и фудбалерот на Бјури, Ендрју Манган, соопшти англиската фудбалска федерација (ФА).
Еден од казнетите фудбалери настапил на мечот Акордингтон – Бјури, одигран минатата недела, а сите суспендирани погодиле дека ќе победи гостинската екипа.
„Правилата на ФА забрануваат обложување на сите фудбалери на натпреварите или натпреварувањата во кои учествуваат, што е од животна важност да се обезбеди јавна доверба во интегритетот на фудбалот и апсолутна чесност на сите фудбалски натпревари“, соопшти синоќа Асоцијацијата.
{loadposition content9}
