Кошаркарската експедиција која го слави името на Мекадонија на Евробаскетот 2011 е одликувана со „Медал за заслуги за Македонија“, одлука која денес ја донел Претседателот на Република Македонија, Ѓорге Иванов.
Ова високо одликување за македонските кошаркари доаѓа по одличните постигнувања кои тие ги забележуваат во Литванија, момците на Марин Докузовски веќе изборија пласман помеѓу најдобрите осум репрезентации во Европа.
Истовремено оваа одлука на нашиот Претседател ќе им даде дополнителен мотив на кошаркарите пред вечерашниот дуел со Русија. Со ова постигнување кошаркарите придонесуваат за развојот на спортот во Македонија како и за афирмација на нашата татковина во светот.
Сите знаеме како Македонското изненадување на Евробаскетот 2011 одекна во најголемите светски спортски медиуми. Името Македонија го видовме и на почетната страна на НБА, на ЕСПН во Америка, Марка, АС, Ел Мундо во Шпанија, Билд во Германија, Газета дело Спорт во Италија и низ сите останати спортски медиуми ширум светот.
{loadposition content9}
