Во претпоследниот петти натпревар од Лигата на нации, фудбалската репрезентација на Македонија ја совлада Летонија со 1:0.
Со оваа победа избраниците на селекторот Благоја Милевски го потврдија првото место во групата што значи промоција во Б лигата од ова натпреварување, а воедно и ги задржаа шансите за евентуален пласман во баражот за настап на Светскиот шампионат.
Дуелот против Летонија беше решен во 57. минута, а стрелец на погодокот беше Никола Серафимов.
Во последното коло од ова групата во Лигата на нации, Македонија во недела ќе ја пречека селекцијата на Фарските Острови во Скопје.
