Ракометната репрезентација на Македонија одигра нерешено против Литванија на квалификацискиот турнир за Светското првенство 2011 година, што се одржува во Турскиот град Адана.
Само првопласираната екипа од групата, во која се наоѓаат Македонија, Литванија и Турција, обезбедува пласман во бараж напревар.
Македонија ќе мора утре да брка победа со што е можно поголема разлика против домаќинот Турција, бидејќи конечната одлука за патникот во баражот, ќе падне на мечот Турција-Литванија, што ќе се игра во недела.
Според информациите од Адана, македонија одлично играла во првото полувреме, кое завршило со 15:10 за нашите ракометари.
Литванците успеале оваа предност да ја надополнат во првите десет минути од второто полувреме, во кои постигнале шест, а примиле само еден гол.
Најефикасен играч на натпреварот бил македонскиот капитен Кире Лазаров со 11 постигнати голови.
{loadposition content9}
