Претседателот на ФИА Макс Мозли долеа масло на огнот во пресрет на утрешната трка за Големата награда на Турција, порачувајќи им на сите тимови кои не сакаат да ги прифатат новите правила дека се слободни да си организираат свое сопствено натпреварување.
Тоа навестува дека ФИА нема намера да им попушти на тимовите кои бараат укинување на ограничениот буџет од 65 милиони долари.
– Им кажав дека ако сакаат да играат по свои правила, тогаш нека си организираат свое првенство, под услов да ги исполнуваат сите безбедносни барања. Во Светското првенство на Формула 1 ние ги утврдуваме правилата. Така е веќе 60 години и ќе продолжи и во иднина – рече Мозли.
Вилијамс е единствениот од актуелните тимови кои безусловно се пријавија за учество во следната сезона, а конечната листа ќе биде објавена на 12 јуни откако дури десет нови тима поднесоа пријава, прифаќајќи го ограничениот буџет.
Тимовите не ја коментираа изјавата на Мозли во Истанбул, каде што уште еднаш ќе се вози под дилемата “како да се сопрат Батон и Брон ГП”.
{loadposition content9}
