Покрај Џордан, ќе бидат примени и кошаркарските легенди Џон Стоктон, Дејвид Робинсон, тренерите Џери Слоун и Ц. Вивиан Стрингер.
Најдобриот кошаркар на сите времиња, Мајкл Џордан денеска со голема свеченост ќе биде примен во Куќата на славните, чест што им се оддава на најдобрите кошаркари секоја година и привлекува големо медиумско внимание во САД.
Џордан, за кого новинарите, тренерите, кошаркарите и обичните навивачи се сложуваат дека е најдобриот кој некогаш ја играл оваа игра, има освоени 6 титули првак на НБА, 5 награди за најкорисен играч на сезоната (MVP), 2 златни медала на Олимписките игри, 10 титули за најдобар стрелец во лигата, 6 награди за најдобар играч во НБА финалето, 14 пати бил дел од All Star тимот, а 3 пати освоил и награда за најкорисен играч на All Star, 2 пати е победник во натпреварот за забивање и има уште многу други награди и достигнувања поврзани него и со неговата ненадмината кошаркарска игра.
Покрај Џордан оваа година во Куќата на славните ќе бидат примени и поранешниот бек на Јута, Џон Стоктон, како и неговиот тренер Џери Слоун, “адмиралот” Дејвид Робинсот и тренерот на женскиот тим Рутгерс, Ц. Вивиан Стрингер.
{loadposition content9}
