![ФФМ детска лига](/wp-content/themes/yootheme/cache/3e/%D0%A4%D0%A4%D0%9C-%D0%94%D0%B5%D1%82%D1%81%D0%BA%D0%B0-%D0%BB%D0%B8%D0%B3%D0%B0-e1685114708171-3e389924.jpeg?x28309)
Од денес до недела на ФФМ тренинг центарот „Петар Милошевски” ќе се играат натпреварите од финалниот турнир од Детска Лига за сезона 2022/23.
Турнирот започна денес , а ќе трае заклучно со недела во 13:30 часот. На ФФМ тренинг центарот учество ќе земат најуспешните 96 екипи од цела Македонија, поделени во 6 натпреварувачки категории (2010 – 2015).
Од Охрид ќе учествуваат екипите на ФК Некст Левел, ФК Евро Фудбал и ОСК Фер Плеј, како и Јанг Тим од Струга.
Ова е завршница на годишеното издание на Детската лига при Фудбалската федерација на Македонија (ФФМ), каде свое учество зедоа 135 клубови и 575 екипи со повеќе од 8500 млади фудбалери, а меѓу нив и младите фудбалери од Охрид, кои имаат можност да се натпреваруваат секоја недела во рамки на своите региони.
Охрид и Струга спаѓаат во Југозападниот регион од Детската лига и важи за еден од регионите со најмногу активни екипи и фудбалери, токму затоа и младите фудбалер од Охрид и Струга ќе се борат за големото финале.