Охрид вечерва на плоштад ќе слави за европската шампионска титула
Ова е прв трофеј во историјата на клубот.
Ракометарите на Охрид го освоија Европскиот куп откако во реваншот од финалето против унгарската Татабања победија со 31:26 пред своите навивачи. Ова е прв трофеј во историјата на клубот.
Од ГРК Охрид најавија прослава на титулата денеска на Градскиот плоштад.
Прославата започнува вечерва во 19ч. на градскиот плоштад, а во 20ч. ќе ги пречекаме шампионите на ЕХФ Европскиот Куп! – соопшти ГРК Охрид.
На патот до трофејот, Охрид одигра 12 натпревари и забележа само еден пораз, против бившиот европски првак Целје во полуфиналето.
