По заживувањето на ракометниот клуб Охрид 2011, нова искра надеж за овој спорт во нашиот град. Токму на нивна иницијатива, од Декември минатата година започна да функционира и младинската школа за ракомет. Осумдесетината досега зачленети деца, едноставно воодушевени од ракометот. Охридскиот ракомет има иднина.

Сојузот на спортови ги обелодени и им врачи признанија на најуспешните 10 спортисти од Охрид за 2011 година.  За најдобар спортист за изминатата година беше избран стрелецот Михаил Шишкоски.

Маичката на светскиот тенисер број еден Новак Ѓоковиќ, која по завршувањето на финалниот дуел на Австралија Опен и беше буквално откраднат од пред рака на 14-годишната Мелиса Кук повторно заврши во нејзините раце откако на една аукција мајката на Мелиса се одлучи да ја откупи за 5.500 долари од омразената Џоел Ротшилд која ја грабна пред тинејџерката.

Англискиот премиерлигаш Блекбурн потпиша договор со осумгодишното девојче Лили Лоусон, кое на 14 натпревари постигна дури 70 голови. Ова и не би била толку интересна приказна доколку малечката Лили не тренира со машкиот тим на Блекбурн на нејзина возраст.

Македонската ватерполо репрезентација потврди дека ќе учествува на квалификацискиот турнир во Едмонтон, Канада, за место на Олимписките игри, откако доби покана по откажувањето на селекцијата на Нов Зеланд.

Претседателот на Египетската фудбалска федерација Самер Захер го суспендираше државниот шампионат по крвавите немири по завршувањето на мечот меѓу Ал Ахли и Ал Масри, во кои животот го загубија над 74 навивачи, a околу 1000 се повредени.

Пандев во Барселона за 83 милиони фунти! На последниот ден од преодниот рок Англичаните решија да се пошегуваат на сметка на актуелниот европски шампион Барселона, но и на нашиот репрезентативец Горан Пандев.

Украина попушти пред притисокот од западните групи за заштита на животните и прогласи крај на убивањето кучиња-скитници со цел да се исчистат улиците пред претстојното европско првенство во фудбал.