Најуспешниот олимпиец на сите времиња, американскиот пливач Мајкл Фелпс, кој стави крај на својата успешна кариера, ги демантираше наводите дека ќе се врати во базенот и ќе се подготвува за настап на ЛОИ 2016 во Рио де Жанеиро.
Телевизиската станица „NBC2“ деновиве објави дека Фелпс има план да му се врати на пливањето, а шпеулациите се засилија затоа што тоа беше сторија на Питер Буш, синот на националниот тренер по пливање на репрезентацијата на САД, Франк Буш.
„Зошто се уште читам и гледам приказни дека ќе му се вратам на пливањето? Нема ништо од тоа, мојата пливачка кариера е завршена“, изјави Мајкл Фелпс.
Во март Фелпс беше во Рио де Жанеиро во улога на промотер на следните Олимписки Игри во 2016 година, но и тогаш напомена дека нема да му се врати на активното пливање.
{loadposition content9}
