Слободен трансфер на Руд ван Нистелрој од Реал Мадрид во Рома се подготвува за јануари, тврди денешниот број на весникот „Кориере дело Спорт“.
Холандскиот напаѓач има договор со мадридските „бели“ до летото 2010 но не добива шанса за редовен настап во првиот тим на Реал и заради тоа сака да замине во клуб каде би станал стандарден првотимец и со тоа би се наметнал за место во холандскиот националниот тим за Мундијалот во Јужна Африка следната година.
Преку летото Ван Нистелрој го откажа преминот во „римската волчица“ но сега е принуден повторно да ја разгледа истата можност. Уште два англиски клуба од кој едниот Тотенхем Хотспур имаат интерес за услугите на 33- годишниот поранешен напаѓач на ПСВ Ајндховен и Манчестер Јунајтед, открива „Кориере дело Спорт“.
{loadposition content9}
