Сам против сите – Давид Крстески највисоко на пиедесталот на Европскиот Таеквон-до ИТФ куп во Софија

Боите на нашата држава ги претставуваа 10 натпреваувачи кои и овај пат не заборавија да не направат горди како Македонци, освојувајќи 2 златни и 2 сребрени медали.

Дек 4, 2024 | инфодеск | Спорт

Македонската Традиционална Таеквон-до Федерација под водство на претседтаелот Марјанчо Лазаревски и националниот селектор Саша Поповски учествуваше на Европскиот Таеквон-до ИТФ куп во Софија, соседна Бугарија, кој се одржа од 30.11-01.12.2024 година, каде учествуваа 966 натпреварувачи од 14 земји од Европа. Боите на нашата држава ги претставуваа 10 натпреваувачи кои и овај пат не заборавија да не направат горди како Македонци, освојувајќи 2 златни и 2 сребрени медали.

„Премногу се гордеам што имаме натпреварувачи од типот на Давид Крстески и Христијана Парулеска, Божидар Димитриевиќ, а уште повеќе ме радува што имаме и помлади генерации како Миа Танеска, кои одат по стапките на најдобрите. Пред се сакам да ги пофалам сите натпреварувачи кои ја претставуваа М.Т.Т.Ф , кои покажаа голема пожртвуваност и храброст, достојно претставувајќи ја Македонија. Херојот на овај Европски Куп е Давид Крстески кој на патот до златото имаше пет победи, првата со претставникот на Бугарија, а потоа со четири натпреварувачи од Украина која е една од најјаките репрезентации во светот, а на Евро Купот учествувава со околу 300 натпреварувачи. Како некоја навика ние секогаш на секој натпревар имаме последни борби, па така и овај пат категоријата од Давид остана последна во спортската сала, за полуфинале и финале до борилиштето на Давид Крстески дојдоја над 300 Украинци кои ги бодреа нивните претставници на цел глас. Давид Крстески место да подлегне на нивните овации, во стилот на Новак Ѓоковиќ, сам против сите, мајсторски ги победи нивните претставници, со што можеме да се пофалиме доживеавме за нас како Маекдонија да навиваат и Грци,Бугари, Срби Словенци. Како претседател на Федерација сакам да упатам огромна благодарност до организаторите, БИТФ, кои за полуфинале и финале ги одбраа најдобрите судии ,кои судеа независно. Оваа година Давид Крстески има загубено само една борба во полуфинале на Европското првенство во Копер, Словенија, додека на сите останати натпревари е неприкосновен во својатакатегорија.
Истотака, Христијана Парулеска херојски влезе во повозрасна категорија 16-17 години, иако нејзината категорија е 14-15 години, но со желба да се спреми за наредното Европско првенство, оваа година натпреварува на сите натпревари во повозрасна категорија. Во првата борба Христијана ја победи доминантно домашната претставничка ,која е истотака Европка медалистка, за на патот до среброто имаше уште две борби со претставнички од Грција, кои после нерешени резултати на златен поен ги декласира влегувајќи во полуфинале, каде таму ја пречека Словенската репрезентативка и актуелна шампионка во таа категорија, и очекувано Христијана во тесна борба ја загуби битката за злато.
Миа Танеска која е една од нашите помлади натпреварувачки, докажа дека е апсолутен шампион во нејзината категорија, повторно искачувајќи се највисоко на пиедсталот , осовјувајќи златен медал, со што оваа година Миа е без пораз во нејзина категорија.
Божидар Димитриевиќ кој е на обука во Скопје , и многу малку има време за припреми заедно со другите репрезентативци, но сепак со огромна желба за успех , го освои сребрениот медал , победувајќи двајца натпреварувачи од Украина, додека во финале во тесна борба до самиот крај загуби од домашниот натпреварувач.
Сакам да ги пофалам и другите натпреварувачи кои дадоа се до себе, Владимир Димитриевиќ, кој првата борба ја заврши мајсторски додека во другата беше поразен од страна на судиите, а истата судбина ја имаа и Марио Крстески и Климент Богоески, додека, Давид Ристески, Филип Митрески и Јохан Парулески, покажаа одлични борби но загубија во првиот круг.
Како за крај сакаме да изразиме најголема благодарност до Генералниот спонзор “ПН МЕТАЛ”, Министерство за спорт, Општина Охрид, ЈП Градски пазар, кои ни помогнаа да учествуваме на овај престижен Европски Куп“, изјавува претседателот на М.Т.Т.Ф Марјанчо Лазаревски.