Стартува четвртфиналната рунда во ЛШ

Во елитната Лига на шампиони вечерва ќе се играат првите два натпревари од четвртфиналето.

Дербито се игра во Манчестер каде се среќаваат актуелниот англиски и шпански шампион, Манчестер Сити и Атлетико Мадрид. Тоа ќе биде прв меѓусебен дуел на овие екипи.

Атлетико на патот до четвртфиналето веќе одигра четири средби до англиските преставници. Во групната фаза „јорганџиите“ ги загубија двата дуели со Ливерпул, но затоа во првата елиминациска рунда го минаа Манчестер Јунајтед. 

За Сити ова е петто последователно чертвртфинале, во кое ќе го бркаат својот трет пласман во полуфиналната рунда. Кога во прашање се настапите пред своите навивачи, популарните „граѓани“ немаат пораз во еврокуповите цели 3,5 години на домашен терен, па затоа Манчестер Сити ја има и благата улога на фаворит во овој меч. 

Во вториот Бенфика ќе го пречека Ливерпул кој игра во топ форма. Традицијата на меѓусебните средби вели дека Ливерпул е поуспешен, а на десетте меѓусебни дуели црвените имаат остварено шест победи, наспроти четирите на португалскиот тим, која пак пред својата публика има 3 победи и 2 порази. 

Досега овие две екипи немаат одиграно нерешени, па за очекување е дека и на вечерашната пресметка може да се очекува голови. 

Вечерашните дуели меѓу Манчестер Сити и Атлетико Мадрид односно Бенфика и Ливерпул ќе започнат од 21 часот, термин во кој утревечер ќе стартуваат преостанатите два натпревари во кои Челзи е домаќин на Реал Мадрид, а Вилјареал го пречекува минхенски Баерн.