Мекларен оваа сезона бележи слаби резултати. Џенсон Батон и Серхио Перез ниту еднаш не успеаа да се искачат на пиедесталот, а во вкупниот поредок се на деветото место. Но, од 2015. година британците ќе добиваат мотори од Хонда, а за таа сезона започнуваат подготовките уште сега.
Од Ред Бул веќе ангажираа двајца инженери за аеродинамика, а се чини дека наскоро следува ,,напад” на пилотот на Ферари. Билд тврди дека Фернандо Алонсо речиси сигурно ќе потпише за Мекларен каде што настапуваше во 2007 година, но поради лошиот однос со Луис Хамилтон го напушти тимот на Мекларен по само една сезона.
Шефот на Мекларен, Мартин Витмарш наводно веќе подолго време го убедува Алонсо да се врати, а од Хонда инсистираат Алонсо да биде ангажиран, па дури според Билд, Јапонците биле подготвени да плаќаат половина од годишната плата на Алонсо која би требало да изнесува околу 25 милиони евра.
{loadposition content9}
