Граѓани од Лагадин во рубриката „Ти Си Твојот Град“ апелираат да се обрне повеќе внимание на комуналната хигиена во оваа туристичка населба.
Велат дека по невремето на регионалниот пат и кракот кон населбата има остатоци од наноси од земја и кал низ кои минуваат возилата. Посочуваат дека се затрупани две шахти со кал и земја. Апелираат да се исчистат истите, бидејќи во случај на нови врнежи ќе настане проблем.
Исто така посочуваат дека не е подигнат целосно отпадот кои граѓаните го собрале по невремето во саботата. Бараат да се постават контејнери на влезот и излезот од населбата како не би се оставале ќеси со отпад покрај патот.
