Внимание на Стража, снегот повторно ги изненади Македонија Пат

Наши сограѓани кои во моментов патуваат од Скопје за Охрид, каде во моментов врнежите од снег се доста интензивни, а патот тешко прооден, реагираат на ажурноста на Македонија Пат.

„Во моментов навистина многу силно паѓа снегот, на видеата може да се запримети дека е доста непроодно и небезбедно за возилата и патниците. За жал, единствената механизација за чистење на снегот која може да се забележи на едното видео е паркирана. Од Македонија Пат знаеја дека ќе врне снег на повисоките места, но ете, повторно ги изненади снегот.“, реагираат нашите сограѓани кои ни ги испратија видеата.

Апел до сите возачи да возат внимателно и да ги почитуваат правилата за задолжително поседување зимски гуми.