Има или не Охрид, доволна музејска понуда?
Според директорот на Завод и Музеј,Тања Паскали Бунташеска туристите во Охрид имаат добра музејската понуда. Со нејзината констатација не се согласуваат туристичките водичи.
„Музејската понуда за туристите и ова лето ќе биде посиромашно од огромното археолошко културно богатство кое го поседува Музејот.
Во музејските депоа и понатака ќе чмаат и понатака златните и етнолошките предмети, како и експонатите од некогашниот Музеј на Словенската писменост“.
Туристичките водичи кои што ги контактиравме, но сакаа да останат анонимни, велат туристите сакаат да ги видат Златната маска, народните носии, музички инструменти, документи од Словенската писменост. Додаваат дека нема туристички проспекти, недостасуваат археолози куратори. На Плаошник зборуваат за првиот словенски Универзитет на Балканот, а нема нити еден експонат од словенската писменост. Се жалат и на хигиената во Музеите, со исклучок на Музејот на вода. Додаваат дека при разгледите на Самоиловата тврдина нема поставено нити една копија на Самоилова плоча, нема брошури. Установите треба еднаш да имаат приоритети ако сакаат да ја збогатат вистински музејската понуда и од влезниците при тоа, да заработат пари, додаваат водичите.