Криминалците повеќе нема да можат да се штитат со државјанството на својата држава. Ова го предвидува новопотпишаниот договор за екстрадиција кој неодамна на Министерскиот форум за внатрешни работи и правда, го потпишаа Министрите за правда на Македонија и Црна Гора, Блерим Беџети и Душан Марковиќ. Министерот Марковиќ истакна дека регионалната соработка е еден од најдобрите инструменти за заштита од делувањето на криминалот како во регионов, така и пошироко.
„Со овој договор ние го стеснуваме просторот за криминалците. Со потпишувањрто на овие договори, криминалците нема да може да се штитат со државјанството на својата држава, ниту националното законодавство ќе ги заштит од достапноста на правдата“, изјави Марковиќ.
И двајцата министри по потпишувањето на договорот со став дека, овој чин претставува доказ за подготвеност, решителност и способност на земјите потписнички преку развој на регионални инструменти да ги унапредат активностите во борбата против организираниот криминал.
„Овој договор е значаен како за државите, нејзините граѓани, но и за регионот, оттаму што тој ќе овозможи поефикасна борба против криминалот. Секако дека како две пријателски држави ја изразуваме нашата подготвеност соработката да ја прошириме и во другите сфери, за кои ќе произлезе потреба“, изјави македонскиот министер за правда.
Вакви договори Црна Гора има веќе потпишано со Хрватска и Србија. Република Македонија пак, на 8 јули ваков документ за екстрадиција на осудени лица потпиша и со Република Хрватска, а во тек се активности за потпишување договор и со Република Србија. Услови за потпишување вакви договори за Македонија се појавија со измените на Уставот и уставниот Амандман 32, донесени во март годинава.
{loadposition content9}
