Кандидатот за пратеник од Охрид, Лазе Таневски, ги повика своите сограѓани да ја поддржат пратеничка листа на коалицијата МОЖЕМЕ предводена од СДСМ во Изборната единица 5.
Гласот за Коалицијата МОЖЕМЕ и СДСМ е глас за стабилна и просперитена иднина на нашата земја и за сите нејзини граѓани, порача Таневски на првото обраќаење во изборната кампања.
„На 15 јули изборот е едноставен – да продолжиме кон светлата иднина и да не се враќаме назад кон мрачното минато. Гласајте за нас: За да добиеме функционално собрание со демократско и одговорно мнозинство и политичка влада со полн легитимитет за есента да ја дочекаме подготвени за новите предизвици кои Ковид-19 ги носи во сите сфери на живеењето, а особено во здравството и економијата. “ – порача Таневски.
Таневски кажа дека ќе обезбедат раст на минималната плата до 40% по корона кризата а до крајот на мандатот истата ќе порасне до 30%, недела ќе биде неработен ден за сите што сакаат да бидат со своите семејства, 34.000 домаќинства ќе примаат гарантирана минимална помош, а 65. 000 деца, детски додаток.
Потенцира дека до 2024 највуваат отворање на 80% од поглавјата за интеграција во ЕУ.
„Гласајте за СДСМ и коалицијата МОЖЕМЕ за да ја спречиме опасноста од враќање на структурите кои газеа врз човековото достоинство, ја изолираа земјата, го поделија народот и ги однесоа парите на граѓаните надвор. Да продолжиме да градиме стабилна држава со развојна и конкурентна економија, со европски здравствен систем посветен на потребите на граѓаните, да сме рамо до рамо со најсилните. “
Таневски кажа дека се залагаат за правна и праведна, зелена еколошка, дигитализирана и иновативна земја за младите.
Порача дека ќе води безбедна кампања за здравјето на граѓаните и дека на 15 јули СДСМ и Коалицијата Можеме ќе победи.
