1 милијарда е дирекната помош за Охрид и колекторот , 500 милиони денари за раздолжување на општината и исто толку за преземање на долгот на Проаква и санација на колекторот., истакна на синоќешната средба со охриѓани, лидерот на СДСМ и предводник на Коалицијата МОЖЕМЕ, Зоран Заев.
“Охрид е нашето богатство и нашата гордост и верувам дека сите ќе опстоиме да ги вратиме природните убавини според критериумите на УНЕСКО а впрочем ние ќе си го заштитиме нашето добро. Јас верувам дека Законот и овде ќе важи еднакво за сите без разлика кој е приврзаник на СДСМ, ВМРО или воопшто не го интересираат партии. Затоа што Охрид, драги Охриѓани е ваш најповеќе, но и наш на струмичани и на скопјани и на кумановци и на тетовци и на цела наша Македонија. “ – рече Заев. 
Заев ги повика граѓаните на Охрид на 15 јули својот глас да го дадат за инвестиции во луѓе, не во споменици, инвестиции во природните реткоски и убавини, а не во фасади, стиропор, инвестиции во младите, во иднината.
Носителот на листата на Коалицијата на СДСМ за ИЕ5 Радмила Шекеринска кажа дека Охрид е убавина но и обврска. Последни кои треба да зборуваат дека дека ќе го штителе статусот на УНЕСКО се оние кои го уништија , кои 11 години дозволија градење и дивеење на моќници, рече Шеќеринска
„Тоа што го загрозија за 11, нашата европска иднина, ние ќе го надоместиме изгубеното во следните 4 години. Затоа секој оној, а такви се огромен број, коишто сакаат да ја видат државата не само во НАТО туку и во ЕУ со пари кои што ќе бидат за овој туризам, за ова езеро, за оваа прекрасна природа и убавина, знаат дека ова не смееме да го загрозиме. На Охрид во нашата програма не му нудиме подароци. На Охрид му ја нудиме поддршката која си ја заслужил и треба да му ја дадеме затоа што ова е наш заеднички ресурс наша заедничка шанса за подобра иднина.“ – порача Шеќеринска.
Пред Охриѓани на малиот плоштад кај некогашната библиотека свое обраќање имаше и Лазе Танески кој е кандидат од Охрид за пратеник заедно со Жаклина Лазареска.
