По десетина дена лекување на Клиниката за детски болести, 11годишниот Илче од Охрид опоравен заминува во мал групен дом. 
„Илче од Охрид по десеттина дена лекување и нега на Клиниката за детски болести успеа со плеснување на рачињата и едно големо браво да се збогува со тимот лекари кои се грижеа за него. Неговата состојба кога беше хоспитализиран беше тешка, а денеска со надеж дека Илче ќе има шанса за подобар живот го испраќаме седнат расположен за игра и насмеан да влезе во новото семејство. Огромна почит за сите здравствествени работници, тимот психолози, дефектолози, лекарите и сестрите кои цело време се грижеа за него!– објави министерот за здравство Венко филипче, денеска на фејсбук.
Илче пред еден месец и половина првин беше напуштен од таткото, а пред две недели и од мајката која има здравствени проблеми. По пишувањата во медиумите детето по налог на министерот за здравство Венко Филипче беше пренесен со возило на Брза помош на лекување во Скопје.
