На листата на училишта кои добија зелено светло од Комисијата и Владата за одржување настава со физичко присуство на учениците претежно се основни училишта во рурални средини со мал број ученици. Училиштата ќе треба наставата да ја организираат во две смени.
Така, Општина Дебрца доби согласност за ОУ „Дебрца“ за организирање настава со физичко присуство на учениците од четврто до деветто одделение во смени, исто како и за подрачните училишта во селата Оровник, Требеништа, Мешеишта и Ботун. Подрачните училишта во селата Велмеј, Злести Издеглавје во оваа општина добија согласност за организирање настава со физичко присуство од петто одделение заради комбинирана паралелка, а Горенци и Лешани добија согласност за организирање настава со физичко присуство на учениците од четврто до деветто одделение.
