Состојбата на сите критични локации во Општина Охрид, каде што постои опасност од излевање на вода е стабилна . И покрај обилните врнежи од дожд кои во текот на изминатите денови го зафатија Охридскиот регион, нивото на реките и каналите засега е нормално и до сега не е детектиран ниту еден проблем со излевање на вода од канализациониот систем.
Eкипите на Јавните претпријатија направија увид на сите критични места и интервенирано е само на еден потег на улица „Железничка“, каде што дел од куќите се на пониско ниво и самото тоа придонесува за поплавување на одредени локации.
