Во периодот од 01.01.2021 до 31.03.2021 година, Оперативниот центар на Планинската Спасителна Служба при Црвен крст Охрид, регистрира рекордни 27 повици, од кои во 22 наврати интервениравме на терен, а во 5 само со совети преку телефон.
Покрај големиот број повици, нетипична беше и појавата во еден ден да имаме по два повици, како и природата на интервенциите, од кои една интервенција со сериозни повреди, една интервенција за достава на храна и лекови на бачило оддалечено 3 км од село Свињишта, две асистенции за извлекување на беспилотни летала заглавени на дрво, 17 асистенции врз заглавени возила во снег на превојот Баба на Галичица и една интервенција за спасување на домашно милениче.
