Гарантираме изградба на нова современа градинка и реконструкција на постоечките, кажа на денешниот прес Перчо Божиновски, кандидат за советник од редовите на ВМРО ДПМНЕ и Коалицијата за Обнова на Македонија. Проблемот со листите на чекање за запишување на децата во градинка мора да се реши.
Во насока на континуирано и трајно решавање на овој проблем, Охрид има да добие нова современа градинка со која значително има да се зголеми капацитетот за згрижување и воспитување на децата од предучилишна возраст, додека за постоечките градинки следи реконструкција – кажа Божиновски.
Гарантираме изградба и реконструкција на детски современи игралишта на повеќе локации во општината затоа што децата мора да имаат простор каде што ќе можат да уживаат во безгрижно детство, рече Божиновски. Најави и изградба на нови мултифункционални спортски игралишта.
Во периодот што следи сакаме да придонесеме децата – нашата иднина, да имаат вистински можности за правилен раст и развој и затоа се определуваме за изградба на повеќенаменски и спортски игралишта. Целта ни е да ги активираме младите, да ги поттикнеме да се дружат и да развиваат здрави навики. Од таа причина, во Велгошти до спортската сала и во населбата Видобишта на постоечкото спортско игралиште се обврзуваме за изградба на нови мултифункционални игралишта со професионална подлога – вели Божиновски.
По барање на граѓаните во согласност со нивните потреби, изградба на спортски игралишта уште на две локации, најави Божиносвки и ги повика граѓаните да го заокружат бројот 7 за Промени, Проекти и Победи.
