Црвениот Крст од Охрид спроведува низа активности, со цел младата популација што повеќе да биде едуцирана за здрава и сигурна сексуалност под мотото „Сигурно ли знаете да водите љубов“.
Охрид го одбележува 1 ви декември Светскиот ден на борба против сидата. Денес активистите на „Црвениот Крст“ од Охрид одржаа четири предавања во 7и 8 мо одделение во ОУ Св Климент Охридски, за тоа колку оваа популација има познавање за хив – сидата. Учениците внимателно слушаа и учествуваа во разговорот со Др Младен Божиноски едукатор за оваа инфекција.
„Од денес се ставаат и црвените панделки во знак на превенција, што е и главна цел младите да слушнат за здрава и сигурна сексуалност“, вели Божиноски.
„Она што едукативно години наназад се зборуваше за сидата има свој бенефит“, вели Божиноски. Тој додава дека младите денес, се потрезно размислуваат на оваа тема и веќе се надминати главните спреги за идентификација на оваа инфекција.
Нашата земја во споредба со земјите од светски рамки има мал број заболени од ХИВ/СИДА. Откако во 1987 год е откриена болеста има вкупно 119 заболени лица, од кои 94 се носители на СИДА, а 25 се ХИВ позитивни. Починати се 62 лица. Сеуште третманот на овие лица во нашата земја не е за пофалба, бидејќи стравот од нивна дискриминација во општеството предизвикува повлекување на овие лица сами во себе а самото тоа придонесува брзо ширење на инфекцијата меѓу населението. ХИВ е вирус кој го напаѓа и уништува имунолошкиот систем на телото. Како последица на тоа организмот не е способен да се справи со разните болести и инфекции кои го напаѓаат. СИДА е последниот стадиум на ХИВ, во кој имунитетот е сведен на минимун, и тоа доведува до смрт. ХИВ инфекцијата со сигурност може да се докаже единствено преку правење на специјален ХИВ тест.
{loadposition content9}
