Skip to main content

Во текот на изминатото деноноќие 43 лица не ја почитувале забраната за движење, приведени 27

Во текот на изминатото деноноќие (02/03.04) на територијата на државата, издадено е 91 решение за изолација, а 23 лица потпишале изјава за самоизолација.

 |   | 

Во текот на изминатото деноноќие (02/03.04) на територијата на државата, издадено е 91 решение за изолација, а 23 лица потпишале изјава за самоизолација.

При извршените контроли на лицата во самоизолација и изолација, од страна на полициски службеници, констатирано е дека само во еден случај, едно лице што било во изолација не е затекнато во својот дом.

По однос на забраната за движење во текот на изминатите 24 часа евидентирано е дека на ниво на цела држава 43 лица не ја почитувале забраната за движење, приведени биле 27 лица, а за останатите се земени податоци и ќе следуваат соодветни мерки.