Skip to main content

Петрески ги отфрла гласините дека на просторот кај старата библиотека ќе никне висока градба

Започна реализацијата на проектот за просторот кај некогашната библиотека. Градоначалникот Петрески тврди дека нема да има никакво отстапување од него.

 |  Лионела Јаковлева  | 
mesalka
mesalka
На просторот кај старата библиотека нема ништо да се гради, вели градоначалникот Александар Петрески. Гласините кои деновиве провејуваат низ охридската чаршија се само шпекулации, додава тој.

На овој простор веќе започна реализацијата на заедничкиот проект на Локалната самоуправа и Заводот за заштита на спомениците. Пред изготвувањето на проектот Завод и музеј изготви заштитно- конзерваторски основи за урбанизација на тој дел од градот. Со нив беше предвидена реконструкција на јужната кула од Долна порта и дел од периметралните ѕидови од подградието на Самоиловата тврдина кои што се протегаат се до улица Коста Абраш, односно до приобалниот дел.

Во планот е предвидено овој дел од градот да биде оплеменет со зеленило и клупи за седење како охриѓани би добиле едно пријатно катче за одмор.

iskopiniГрадоначалникот Петрески се залага на овој простор да се постави споменик од Христо Узунов бидејќи во градов нема никакво обележје за овој  охридски револуционер. Причина повеќе за ваквата иницијатива на Петрески е што и родната куќа на Узунов се наоѓа во близина на некогашната библиотека.

Инаку за потсетување, зградата на библиотеката беше срушена оваа пролет по што набрзо требаше да се изгради новиот плоштад. Работите доцнат речиси половина година. Остранува да видиме со кое темпо сега ќе се реализира изготвениот проект.