Министер преку владин меил најавува партиски активности

Министерот без ресор Неждет Мустафа денеска преку службената електронска адреса најави активности на својата партија.

Мустафа преку дописот, во кој стои логото на Владата на Република Македонија, ги информира медиумите дека во својство на претседател на Обединетата партија за еманципација денеска попладне ќе одржи работен состанок.

Состанокот, на кој што ќе се дискутира за можните кандидати на советничките листи за престојните локални избори, е закажан за во 15 часот во Клубот на пратениците.

Вообичаена практика е за партиски активности на носител на државна функција, соопштенијата да ги испраќа политичката партија.

 

 

{loadposition content9}