Американскиот автомобилски гигант „Џенерал моторс“. планира да скрати 47 илјади работни места во светот оваа година и да затвори уште пет американски фабрики, како дел од планот за преструктуирање, кој компанијата вчера му го претстави на американското Министерство за финансии.
Од најавените 47 илјади откази, 26 илјади се надвор од САД.
Компанијата истовремено нагласи дека е можно до 2011 година да има потреба од дополнителна помош од државата во износ од 16,6 милијарди долари.
Американските медиуми вчера јавија дека Владата на Барак Обама ќе отпушти уште четири милијарди долари за „Џенерал моторс“.
Администрацијата на поранешниот американски претседател Џорџ Буш во последните две недели од владеењето се согласи да отпушти два пакети од 9,4 милијарди долари и од четири милијарди долари за „Џенерал моторс“ и за „Клајслер“, во декември и јануари, плус дополнителен помошен пакет за „Џенерал моторс“ за овој месец.
{loadposition content9}
