Струга одмината од епидемијата „заушки“

Од појавата на оваа заразна болест во Македонија,  во општината се регистирани само два случаи на заболени од заушки. Истите се на возраст над 20-години. Минималниот број,  се должи на брзата интервенција и координираност на оделението за превенција, вели директорот на „Здравствен Дом“- Струга. За само 10 работни дена на струшкото подачје се вакцинирани  вкупно 1 600 пациенти.

„Ако вакцинирањето продолжи со исто темпо и учениците дојдат да примаат вакцина тогаш ние би требало да финишираме со вакцинирањето  со истите до крајот на оваа недела“-вели Вера Попоска, директор  на „Здравствен дом“ во Струга.

Вакцината против епидемијата  заушки ја примат претежно младите на возраст до 20-години. Во Струга одзивот е голем. Во спротивно, доколку поканетите не дојдат да ја примаат вакцината, тимот од одделението за превенција превзема различни активности за младите навреме да се заштитат од потенцијалната заразна епидемија.

Попоска кажува дека екипите дури одат лично да ги поканат одредени пациенти кои не се појавиле по пратената покана.

Таа е уверена дека бројот на заболени од епидемијата Заушки во наредниот период нема да се зголеми. Апелира до уцениците, сите оние кои не дошле да ја примаат вакцината против заушки а биле поканети, сами да се пријават за да го сторат тоа.

 

{loadposition content9}