Непознати напаѓачи синоќа истрелаа противтенковски гранати врз касарни на новоформираните Сили за безбеност на Косово во западниот дел од земјата, соопшти косовската полиција.
По нападот реонот околу градот Пеќ е блокиран од мировните сили на НАТО. Од експлозијата причинета е мала штета на зградата, но нема повредени.
Нападот се случи еден ден откако Силите за безбедност на Косово официјално ја презедоа должноста по расформирањето на Косовскиот заштитен корпус, во кој служеа 3.000 лица, од кои повеќето етнички Албанци, поранешни ушесници во Ослободителната војска на Косово (ОВК).
Засега не се знае кој е одговорен за нападот.Србија протестира против формирањето на косовските сили за безбедност, кои според неа имаат за цел да го заплашат српското малцинство на Косово.
{loadposition content9}
